Wellness lifestyle<br /> - активен начин на живот.<p>Со храна до здравје, прашајте не како!</p>

Дигестивниот тракт има вкупна должина од 9 м. и површина од 185 квадратни метри. Всушност, од устата па сè до ректумот, и тој се наоѓа „надвор“ од телото. Низ него секој ден минува околу 1,2 кг. храна на која и се потребни 24 часа за целосно да се процесира. Во текот на еден просечен животен век, дигестивниот тракт обработува вкупно 30 тони храна.

Храната што ја јадеме само „минува низ нас“, како низ тунел во кој многу внимателно се селектираат материите што потоа преку крвотокот се апсорбираат (навлегуваат) во телото. Кога не би било така, тогаш она што го внесуваме преку устата може буквално да нè убие. Имено, освен храната, преку устата влегуваат и разни штетни бактерии и микроорганизми, како и токсични материи.

Тенко црево - долго е 8 метри и во него се врши хемиска обработка на храната и нејзино разлагање на хранливи материи, што потоа се апсорбираат во крвотокот.

Здравото тенко црево не пропушта НИШТО ДРУГО да навлезе во телото. Научно е докажано дека 75% од имунитетот на човекот зависи од здравјето на цревните ресички.

Цревни ресички - за да се зголеми површината преку која се апсорбираат хранливите материи, ѕидот на тенкото црево е обложен со цревни ресички (villi - видливи со голо око), а овие со микро-ресички (microvilli - видливи само под микроскоп). На секој квадратен милиметар има по 20-40 ресички, или вкупно во тенкото црево на возрасен човек има меѓу 3,5 и 7,5 милиони цревни ресички, со што површината на тенкото црево е еквивалентна на еден тениски терен. Тенкото црево има витална функција - не’ одржува во живот.

Цревните ресички ги апсорбираат витамините, минералите и другите хранливи материи од храната што ја јадеме. Процесот на апсорпција е толку ефикасен што кај возрасен човек со здрави цревни ресички се апсорбираат преку 95% од јагленохидратите и протеините што се внесени преку храната. Добрата апсорпција на протеините е клучна за постигнување ситост, и за изградба и одржување здрава мускулна маса. Лицата со здравни цревни ресички се заситуваат со помалку храна и имаат здрава мускулна маса зашто кај нив хранливите материи ефикасно се апсорбираат од тенкото црево и нивниот организам е добро нахранет со помалку храна.

Оштетени цревни ресички - штетните животни навики, како што се прекумерното консумирање кафе, алкохол, цигари, мрсна и тешка храна полна со пестициди, разни адитиви и конзерванси, стресот и загадувањето, значително ги оштетуваат цревните ресички и тие се тенчат и се смалуваат.

1. Го заштитуваат организмот од бактерии, токсини и од други штетни материи;
2. Максимално ги искористуваат сите витални нутриенти од храната што ја јадеме, заради што се чувствуваме сити со помали количества храна.