Wellness lifestyle<br /> - активен начин на живот.<p>Со храна до здравје, прашајте не како!</p>

„Активност“, а не „вежбање“ за побрзо слабеење. Ако и самата помисла на вежбање ви создава непријатно чувство, тогаш е време да се размисли за следното: Што всушност значи да се биде активен?

Редовната физичка активност е еден од најдобрите начини за да се забрза слабеењето. Редовната физичка активност влијае и на подобрување на здравјето на многу начини: од намалување на ризикот од заболување од дегенеративни болести до подобрување на расположението.

Што всушност значи „вежбањето“ и како на лесен начин да се осигура дневната потреба за физичка активност, без при тоа да мора да одите на аеробик или во теретана?

Најнапред треба да се запрашате: Кое е моето ниво на активност?

Некои се ставаат во групата на спортисти - тренираат и се натпреваруваат редовно. Друга група се активни и во добра кондиција, уживаат лежерно во спортувањето во теретана, а можеби и во текот на неделата практикуваат тенис. Следната група на луѓе се оние кои не практикуваат ниту еден спорт, но се сепак активни во текот на денот: постојано трчаат по децата, возат велосипед или пешачат до работа.

Иако секој од нас знае што е добро за него, сепак многу луѓе и не сакаат да вежбаат. Стручњаците инсистираат сега да постои уште еден начин за одржување на кондиција: практикување на најмалку 30 минути „акумулирана“ физичка активност во текот на денот. Во оваа „акумулирана“ физичка активност би се вбројале: качување по скали, работа во двор (оние кои го имаат), работа низ дома, паркирање на автомобилот на пооддалечено место на паркингот и пешачење до местото каде треба да се стигне. Ваквите активности покрај редовното вежбање може да помогнат во губење на килограмите и намалување на ризикот од :

• прерана смрт
• срцеви болести
• дијабетес
• висок крвен притисок
• подложност кон депресија и напнатост.

А помагаат при:

• контрола на телесната тежина
• изградба и одржување на коските, мускулите, зглобовите и рамнотежата
• промовирање на физичката добросостојба
• одржување на мускулна маса за која е докажано дека го поддржува целокупното функционирање на човековиот организам и долговечноста

Вистина е дека секоја физичка активност помага во одржување на мускулата маса, трошење на горивото и постигнување на поздрава телесна тежина. Губењето на вишокот на килограми и постигнувањето на низок процент на телесни масти не само што ја подобрува надворешната слика за нас и самопочитувањето, туку и долгорочно може да го заштити нашето добро здравје. А токму тоа е нешто поради кое треба да бидеме активни!

Автор: Heather Livingston, M.Sc. Member of Herbalife’s Advisory Board