Wellness lifestyle<br /> - активен начин на живот.<p>Со храна до здравје, прашајте не како!</p>

Дали знаете кој е најважниот оброк во текот на денот?

Дали некогаш сте се запрашале каде почнува лошата/неправилна исхрана?

Дали некогаш сте помислиле дека токму во тој оброк лежи решението на повеќето здравствени проблеми?

Разбирливо е дека поради се подинамичниот секојдневен живот и обврските кои тој ги наметнува, се потешко е да се посветиме на здравиот и правилен начин на исхрана и редовните оброци. Затоа е важно да се обидете да имате здрав и квалитетен појадок, кој ќе ви даде доволно енергија за целиот ден.

Лошата и неправилна исхрана започнува секој ден штом ќе станеме. Тоа значи дека уште утре наутро, штом ќе станеме, можеме да започнеме да ги поправаме грешките од неправилната исхрана.

Што ни се случува наутро кога ќе станеме?

Нашето тело е составено од 100 трилиони клетки, на кои секојдневно им се потребни нешто повеќе од 100 различни хранливи материи (нутриенти).

Правилниот појадок и редовното пиење на минимум 2 литри вода дневно се потребни заради:

1. имање енергија
2. регенерација на телото
3. правилно функционирање на нашиот организам

Се што претходниот ден сме внеле во организмот (храна и течности-вода), е потрошено во текот на претходниот ден и ноќта. Како?

1. околу 1 литар течност се троши во текот на ноќта преку дишење и потење
2. храната внесена во текот на вчерашниот ден, постепено се троши во текот на денот, а ако нешто остане, тогаш тоа во текот на ноќта се складира во масните ткива.
3. во текот на ноќта телото ги троши сите хранливи материи што се потребни за регенерација на клетките, ткивата и органите.

Дали знаете дека ако на телото му давате шеќери повеќе отколку што му се потребни, тогаш тоа вишокот на шеќерите ќе ги претвори во масти?

Штом овој процес заврши, нивото на шеќер во крвта е ниско, на телото, а посебно на мозокот, му недостасува шеќер за правилно да функционира. Затоа посегнуваме по „брза енергија“, која повторно ја наоѓаме во благо, месено, тестенини, итн. Енергијата ни е на ниско ниво, концентрацијата е намалена и имаме потреба за спиење. А кога ќе станеме, процесот се повторува. Тогаш најчесто посегнуваме по благо, по кафе, за да ни го покачат шеќерот и да може да си дојдеме на себе.

Овој циклус се повторува повеќе пати во текот на денот. Значи мастите во крвта не ги таложиме наеднаш ако изедеме поголема количина на храна, туку малку по малку, во текот на целиот ден, незабележително.

За еден појадок да се смета за правилен треба да исполнува четири критериуми:

1. да има доволно нутриенти (хранливи материи), за да обезбеди ситост
2. да даде доволно енергија – да ја обнови онаа која е потрошена во претходните 24 часа и да ја одржува
3. да го одржи нивото на шеќер во крвта константно – без преголемо лачење на инсулин и претворање на шеќерите во масти
4. рехидрација – надоместување на резервите на вода (минимум 2 литри вода дневно или 1 литар вода на 25 килограми телесна тежина)