Лебот отсекогаш бил нераздвојна компонента од исхраната на нашиве простори. Тој е еден од најкорисните продукти за нашето здравје, бидејќи е богат со хранливи состојки за правилно функциониранје на организмот. Затоа лебот треба да биде дел од сеkоја здрава исхрана. Но, неговата хранлива вредност и неговиот квалитет зависат од неговиот состав, а пред се од видот и типот на брашното кое се користи.

Од поодамна е познато дека белиот леб направен од рафинирано брашно, не ги задоволува критериумите на квалитетна исхрана. Нутриционистите секогаш нагласуваат дека треба да се јаде леб направен од интегрално брашно, со цели житни зрна, со малку сол во него и без адитиви.

Состојките на интегралниот леб обезбедуваат храна и градивен материјал за нашето тело:

• Протеини – неопходни за раст, одржување и регенерација на клетките во човековото тело. За разлика од другите извори на протеини (месо и млечни производи кои содржат и масти) лебот е еден од најоптималните извори на протеини.
• Енергија – квалитетниот леб е богат извор на сложени јаглехидрати кои се основа за здрава и избалансирана исхрана. Овие јаглехидрати се скапоцен извор на енергија за нашето тело.
• Витамини од групата Б – особено Б1, Б2 и Б3, кои се особено важни за целокупното здравје, вклучително и за нервниот систем, очите и кожата.
• Растителни влакна – за правилно функционирање на дигестивниот систем и одржување на здрава телесна тежина. Познато е дека нивното редовно консумирање штити од рак на дебелото црево и го намалува ризикот од срцеви заболувања.
• Железо – потребно за здрава крв и добра циркулација.
• Калциум – потребно за здравје на коските, нервите и мусулите.

Лебот збогатен со растителни семиња има уште поголема хранлива вредност. Семенките се одличен извор на здрави масти и неопходни минерали.

Нутриционистите дури и препорачуваат лебот да се припрема во домашни услови, зашто таквиот леб нема конзерванси и адитиви, а во него по желба може да ставите различни семиња.



Еве преглед колку калории има во 100 грама различни видови леб:

• Бел пченичен леб – 262 кал.
• Црн пченичен леб – 257 кал.
• Јачменов леб – 246 кал.
• ‘Ржан леб – 241 кал.